हामी सबैकाे संसारन्यूज

९ असोज, काठमाडौं । नेपालका औद्योगिक प्रतिष्ठानले निकै कम संखयामा रोजगारी उपलब्ध गराएका छन् । अधिकांश सर्वसाधारण व्यापार व्यवसायमा संलग्न हुने गरेकाले रोजगारी सिर्जनाको अवस्था न्यून देखिएको आजको अन्नपूर्णपोस्ट दैनिकमा समाचार छ ।

केन्द्रीय तथ्यांक विभागले हालै गरेको राष्ट्रिय आर्थिक गणनाले औद्योगिक प्रतिष्ठानको तुलनामा रोजगारी सिर्जना हुन नसेकको देखाएको हो । सर्वेक्षण अनुसार औसतमा एक प्रतिष्ठानले करिब ४ जनालाई मात्रै रोजगारी दिएको देखिन्छ ।

गणनाको प्रारम्भिक नतिजा अनुसार नेपालमा नौ लाख २२ हजार चार सय ४५ वटा आंैद्योगिक प्रतिष्ठान सञ्चालनमा छन् । ती प्रतिष्ठानमा ३४ लाख ८ हजार सातसय ४६ जनाले मात्रै रोजगारी पाएका छन् ।