हामी सबैकाे संसारन्यूज

१२ असोज, काठमाडौं । अघिल्लो वर्ष त्यहाँ कुनै न कुनै बाली लहलहाउथ्यो । तर, अहिले पूरै बाँझो छ । भोजपुरो अरुण गाउँपालिका ३ प्याउलीको ६ रोपनी जग्गामा एकवर्ष यता दूबो समेत कही देखिन्न घर पनि सुनसान छ ।

अघिल्लो वर्ष असारसम्म ५ जनाको परिवार खुसी सुखी बस्थ्यो यहाँ । घरमूली खेतीपाती भ्याएर गाउँकै प्याउली बजारमा पसल गर्थे । तयारी पोसाक, श्रृगांरको सामान बेच्थे ।

पसिरवार राम्रैसँ धानेका थिए । ३८ वर्षीय चेतनाथ फुँयालले । पत्नी ३६ वर्षीया निर्मलाको भरथेग छदैंथियो । असार १० गते घटेको घटनाले उनीहरुको जीवनमा अन्धकार छाइदियो । छोराछोरीलाई पढ्न लगाएर घरबाट निस्किए उनीहरु । साढे ९ बजेतिर छोरी सुष्मा उनीहरुलाई खाना लिएर पुगिन् । खाना खाइपछि छोरीलाई सम्झाए । ‘आफू पनि नुहाएर भाइलाई पनि नुहाइदिनु अनि पढेर बस्नु ।’

छोरीले चटपटे खान मन लागेको बताएपछि उनले गल्लाबाट झिकेर २० रुपैयाँ दिए । सोहिदिन उनीहरु घरबाट हराए । बाबुआमाले धेरै खोजी गरे । प्रहरीलाई खबर गरे । तर, अर्कोदिन उनीहरुका दुई छोराछोरीसँगै छिमेकीको छोरा पनि स्थानीयको पोखरी नजिक मृत फेला परेका थिए । आजको कान्तिपुर दैनिकमा समाचार छ ।