हामी सबैकाे संसारन्यूज

१२ असोज, बाजुरा । बाजुराको गौमुल गाउँपालिका क्षेत्रभित्र मदिरा सेवनकर्तालाई परिचयपत्र अनिवार्य गरिएका विषयलाई लिएर समाजिक सञ्जालमा व्यापक व्यंग गरियो ।

गाउापालिकाले बनाएको ‘मदिरा सेवन परिचयपत्र’ लाई सेयर गर्दै सामाजिक सञ्जालमा सो कार्यको हुर्मत लिइयो । तर, सो गाउँपलिकाको यस कदमले स्थानीयस्तरमा छोटो समयमा नै प्रसंसा पाउन थालेको छ ।

‘मदिरा सेवन परिचयपत्र’ लागू गरेपछि गाउँमा मदिरा सेवन गरी होहल्ला गर्नेको संख्यामा उल्लेख्य रुपमा कमी आएको छ । झैझगडालगायका सामाजिक अपराधका घटनामा निकै कमि महसुस गर्न थालेका छन् । ‘गाउँमा विगतमा जति पनि झैझगडा र कुटपिटका घटना हुने गरेका थिए, न्यायिक समितिमा आउने हरेक मुद्दामा पछाडि मदिराको कारण जोडिन्थ्यो ।

परिचयपत्र वितरणपछि न्यायिक समितिमा आउने मुद्दाको संख्या पनि ह्वात्तै घटेको छ,’ गाउँपालिकाकी उपाध्यक्ष तथा न्यायिक समितिकी संयोजक सीता थापाले भनिन् । आजको राजधानी दैनिकमा समाचार छ ।