हामी सबैकाे संसारन्यूज

१७ असोज, काठमाडौं । रोजगार नपाएको भन्दै ठूलो संख्यामा जनशक्ति विदेश गइरहेका बेला स्वदेशकै इँटा उद्योगमा १ लाख ५० हजार श्रमिक आवस्यक परेको व्यवसायीहरुले बताएको आजको नागरिक दैनिकमा समाचार छ ।
मासिक आंैसत २५–३० हजार रुपैयाँ पारिश्रमिक पाइने ती उद्योगमा नभइ नहुने श्रमिक भारतबाट ल्याएर व्यवसायीले काम चलाइरहे पनि तत्काल एक लाख ५० हजार श्रमिक थप आवस्यक परेको इँटा उद्योग महासंघका अध्यक्ष महेन्द्र बहादुर चित्राकारले बताए ।
भारतबाट मजदुर ल्याएर जसोतसो उद्योग चलाइरहेका व्यवसायी भारतीय मजदुर जुनसुकै बेला फर्कन सने भएकाले लगानी डुब्ने खतरा रहेको बताउँछन् ।
‘श्रमिक नपाए जुनसुकै बेला उद्योग बन्द हुन सक्छ,’ चित्रकारले भने, ‘इँटा उद्योगको लागि चाहिने श्रमिक जुटाउन सरकारको सहयोग चाहिएको छ ।’