हामी सबैकाे संसारन्यूज

१७ असोज, काठमाडौं । नेपाल ल क्याम्पसको एलएलबी प्रथम वर्षमा यसपटक बाह्र हजार भन्दा बढी विद्यार्थी भर्ना भएका छन् ।

यो संख्या अझै बढ्ने क्याम्पसले जनाएको छ । ‘आज बाह्र हजार जनाको भर्ना भइसकेको छ । लाममा बसेर पैसा तिरिसकेका केही भर्ना हुनै बाँकी छन्,’ क्याम्पसका सहप्राध्यापक तारा प्रकाश पौडेलले मंगलार भने, ‘यो संख्या अझै बढ्ने अनुमान गरेका छौं ।’

यति विद्यार्थी भर्ना भएको ल क्याम्पसको इतिहास पहिलोपटक हो । यसअघि एक शैक्षिक सत्रमा तीन हजार सम्मले भर्ना पाएका थिए । पौडेलका अनुसार असोज १५ गते भर्नाको अन्तिम म्याद भएपनि लाममा बसेर पैसा तिरिसकेकाले भर्ना गर्न पाउने भएकाले संख्या बढ्ने अनुमान गरिएको छ । आजको नागरिक दैनिकबाट