हामी सबैकाे संसारन्यूज

१७ लाहान, काठमाडौं । सिराहाको लाहान ८ स्थितत मोडेल एजुकेशनल ऐकाडेमीले कक्षा १० मा अध्ययनरत एक छात्रालाई निष्कासन गरेको छ ।
कमेडि फिल्ममा अभिनय गरेपछि सिरहा १८ माडर घर भएकी छात्रा सञ्जना मण्डल स्कुलबाट निकालिएकी हुन् । अभिनय गरेर चरित्रहिन बनेको आरोपमा प्रिन्सीपल इन्द्रदेव मण्डलले स्कुलबाटै निकालेको सञ्जनाले सुनाइन् ।
प्रिन्सीपल मण्डलले अबदेखि स्कुलमा प्रवेश गरे ठिक नहुने चेतावनी पनि दिएको उनले बताएको आजको अन्नपूर्णपोस्ट दैनिकमा समाचार छ ।
‘उनी दुई दिन देखि स्कुल गएको छैनन् । उनकी आमा शितलले एसईई ६ महिना मात्र बाँकी रहँदा स्कुलबाट निकालिएपछि छोरी बिचल्लीमा परेको बताइन् । छोरीको पढाई बिग्रने चिन्तामा डुबेकी उनले भनिन्, ‘स्कुलले छोरीलाई संवेदनशील समयमा निष्कासन गरेको छ, अहिले अन्य कुनै विद्यालयले भर्ना लिदैनन् ।’
यसै विषयमा प्रिन्सीपल मण्डलसँग कुरा गर्दा उनले गलत काम गरेकोले निकालेको दाबी गरेका छन् । के गलत काम हो, भनेर सोध्दा उनले खुलाएनन् ।