हामी सबैकाे संसारन्यूज

१० कात्तिक, काठमाडौं । काठमाडौंमा चेक बाउन्सका घटना अत्यधिक बढुका छन् । पछिल्ला ९० दिनमा महानगरीय प्रहरी परिसरमा चेक बाउन्सका एक हजार १७ उजुरी दर्ता भएका छन् । छोटो समयमा धेरै उजुरी परेका कारण प्रहरीले अधिकांशको अनुसन्धान गरी मुद्दा चलाउन सकेको छैन ।
प्रहरीमा परेका उजुरीमध्ये सात सय ४१ ‘पेन्डिङ’ मा छन् । एक सय ६३ उजुरीमाथि अनुसन्धान गरी मुद्दा चलाइएको छ । एक सय १३ उजुरी फिर्ता गरिएको पनि आजको नयाँपत्रिका दैनिकमा समाचार छ ।
काठमाडौं परिसर प्रमुख बसन्त लामाले चेक बाउन्स सम्बन्धी उजुरीका चाप अत्यधिक रहेको बताए । उनले भने, ‘चेक बाउन्सका उजुरी अत्यधिक बढेका छन् । उक्त मुद्दा अनुसन्धान गर्न प्रहरीको ठूलो शक्ति खर्च भइरहेको छ । प्राथमिकताका आधारमा ती उजुरीमाथि अनुसन्धान जारी छ ।’
बाउन्स चेक दिनेमा अधिकांश जग्गा कारोबारी रहेका छन् । उनीहरुले एउटै चेक ५ करोड सम्मको काटेका छन् ।