Sansar News
अमेरिकाको न्यूजर्सी राज्यको जर्सी सिटी शहर र नेपालको सिन्धुपाल्चोक जिल्लाको ईन्द्रावती गाउँपालिकाबिच हुने औपचारिक रूपमा भगिनी सम्बन्ध सिस्टर बनाउन जर्सी सिटी काउन्सिलद्वारा ऐतिहासिक काउन्सिल रिजोलुसन पारित गरिएको छ ।
जर्सी सिटी नगरप्रमुख स्टेभन फुलपकी सल्लाहकार डा. विष्णुमाया परियार (मानार्थ बिद्यावारिधि) को विशेष पहल र नेतृत्वमा यि दुई शहरबिच भगिनी सम्बन्ध बनाउन सफल भएको हो । अन्य मुलुकको शहरसंग सिस्टर सिटी बन्ने ईन्द्रावती पहिलो गाउँपालिका हो ।
ईन्द्रावती गाउँपालिका प्रमुख पूर्व अमेरिकी नेपाली एनआरएन बंशलाल तामांग हुन् । उनी स्थाई आवासीय पत्र ( ग्रिन कार्ड )त्यागेर नेपाल फर्केका उदाहरणीय नेता हुन् । डा. परियारले दुई मुलुकका साझेदार (स्टेकहोल्डर)हरूसंग लामो परामर्श पछि ईन्द्रावती गाउँपालिकालाई भगिनी सम्बन्ध बनाउन चुनिएको हो ।
गाउँपालिका प्रमुख बंशलाल तामांग न्यूयोर्कस्थित सिन्धु (युएस वेलफÞेयर सोसाईटीका संस्थापक अध्यक्ष समेत हुन् ।
वि.सं.२०७५ पुस ६ शुक्रवार १३:३४ मा प्रकाशित
