हामी सबैकाे संसारन्यूज

२३ पुस, काठमाडौं । विगतमा अराजक गतिबिधि गर्ने दलको पहिचान पाएको विप्लव माओवादीलाई यसपटक निम्छरो ठानिएको मोहन बैद्यको पार्टीले माथ खुवाएको छ । सबैलाई आश्चर्यमा पार्दै उक्त पार्टीको युवा संगठन क्रान्तिकारी युवा लिग नेपालले वाइडबडी खरिद प्रकरणमा मुछिएका वायु सेवा निगमका महाप्रबन्धक सुगतरत्न कंसाकारलाई उनकै कार्यालयमा पुगेर कालो मोसो दलेको थियो ।
कालोमोसो प्रकरण सामाजिक संजालमा तातिरहेका बेला अब उनीहरुको सिकार को–को बन्दै छन् भन्ने जिज्ञासा पनि बढेको छ ।
श्रोतका अनुसार बैद्यनिकट युवा संगठनको कालो सूचीमा कंसाकार मात्र नभएर दर्जनौ भ्रष्टाचारीहरु बढेका छन् । वाइडवडी जहाज प्रकरणसँगै जोडिएका संस्कृति, पर्यटन तथा नागरिक उड्डयन मन्त्री रविन्द्र अधिकारी तथा पूर्वमन्त्री जीवन बहादुर शाही पनि हटलिस्टको अग्रपंक्तिमा रहेका छन् । सुरक्षाका कारण उनीहरु कालोमोसोबाट जोगिदै आएपनि कुनैपनि बेला संगठनको सिकार हुन सक्ने खतरा रहेको छ । फोरमको कोटाबाट विगतमा मन्त्री बनेका र हाल कांग्रेसी बनिसकेका जीतेन्द्र देवलाई पनि भेट्ने वित्तिकै कालो मोसो दल्न संगठनले युवा परिचालन गरेको छ । आजको साँघु साप्ताहिकबाट