२६ पुस, बाजुरा । बाजुराको बुढीनन्दा ९ भोगीचौरकी अम्बा बोहोरालाई महिनावारी भएको २ दिन भएको थियो । अघिल्लो दिनदेखि उनको बास छाउगोठमा थियो । सोमबार राति जाडोले साह्रै सताएको थियो । त्यसैले मंगलबार उनले कलिला छोरालाई लिएर सुत्न गइन् । जाडो भगाउन उनीहरुले आगो पनि बाले । तर, दुई छोरालाई दुईतिर च्यापेर सुतेकी अम्बाले फेरि उज्यालो देख्न पाइनन् । निसासिएर अम्बा र उनका दुई छोराको ज्यान गएको प्रहरीले अनुमान गरेको छ ।
३५ बर्षीया अम्बा र उनका छोराहरु ९ वर्षीय सुरेश र सात वर्षीय रमितको छाउगोठमा मृत्यु भएको प्रहरीले जनाएको छ । शुरेस कक्षा ३ र रमित १ मा पढ्दथे । बुधबार बिहान घरसँगै जोडिएको छाउगोठमा उनीहरुको शब फेला परेको जिल्ला प्रहरी कार्यालय बाजुराले जनाएको छ । आजको अन्नपूर्णपोस्ट दैनिकबाट
वि.सं.२०७५ पुस २६ बिहीवार ०८:०० मा प्रकाशित