back

सरकारी अस्पतालद्वारा फार्मेसी सञ्चालन

वि.सं.२०७३ कात्तिक १० बुधवार

291 

shares
RBB AD
NTC AD

१० कात्तिक,रत्ननगर (चितवन) । चितवनको सरकारी अस्पताल भरतपुर अस्पतालले हाताभित्र आफ्नै फार्मेसी सञ्चालनमा ल्याएको छ ।

बिरामीलाई सर्वसुलभरुपमा औषधि उपलब्ध गराउने उद्देश्यले अस्पतालले फार्मेसी सञ्चालनमा ल्याएको हो । यहाँको अस्पताल बाहिर औषधि पसलमा चर्काे मूल्यमा औषधि लिन बिरामी बाध्य छन् ।

अस्पतालका प्रमुख मेडिकल सुपरिटेन्डेन्ट डा रुद्रप्रसाद मरासिनीले बिरामीको समस्यालाई ध्यामा राखेर फार्मेसी सञ्चालनमा ल्याएको जानकारी दिनुभयो ।

स्वास्थ्य मन्त्रालयले देशभरका सरकारी अस्पतालमा आफ्नै फार्मेसी सञ्चालन गर्न निर्देशन दिएपछि अस्पतालले फार्मेसी सुरु गरेको उहाँको भनाइ छ ।

अस्पतालले हाललाई ४०० प्रकारका औषधि राखेर सेवा सुरु गरेको छ । आवश्यकताअनुसार औषधि थप्दै जाने मरासिनीले बताउनुभयो ।

अस्पतालले बाहिरका मेडिकलमा भन्दा सस्तो दरमा बिरामीलाई औषधि उपलब्ध गराउने जनाएको छ । “हामी छिट्टै अन्य प्रकारका औषधि पनि ल्याएर जनतालाई सर्वसुलभ तरिकाले उपलब्ध गराउँछौँ” अस्पतालका मेसु डा मरासिनीले भन्नुभयो, “सबै चुनौतीलाई पन्छाएर फार्मेसी सञ्चालनमा ल्याएका हौँ ।”

सरकारले छ महिनाभित्रमा देशभरका हरेक सरकारी अस्पतालले आफैँले फार्मेसी सञ्चालन गर्न निर्देशन दिइसकेको छ । चितवनको भरतपुर अस्पतालले गएको एक वर्षमा विभिन्न क्षेत्रमा सेवा थपेर क्षमता विकास गर्दै आएको छ ।

आइसियु, पोस्ट अपरेटिभ वाड शल्यक्रिया कक्षलाई आधुनिक प्रविधिसहित क्षमता थपेर अस्पतालले सेवा दिन थालेको यसअघिका अस्पतालका अध्यक्ष विजय सुवेदीले जानकारी दिनुभयो ।

अस्पतालमा १० वटा ठूला भवन निर्माण भएपछि क्षमता विस्तार गरिएको हो । अस्पतालले शवगृह निर्माण गरेर समेत विगतको सास्तीलाई कम गरेको छ । रासस

वि.सं.२०७३ कात्तिक १० बुधवार ०८:०१ मा प्रकाशित

NLIC AD
NABIL bank AD
प्रधानमन्त्रीसँग भुटानका कृषिमन्त्रीको शिष्टाचार भेट

प्रधानमन्त्रीसँग भुटानका कृषिमन्त्रीको शिष्टाचार भेट

काठमाडौँ । प्रधानमन्त्री पुष्पकमल दाहाल ‘प्रचण्ड’ सँग नेपाल भ्रमणमा रहेका...

प्रतिशोध साँध्न सिरोहियालाई पक्राउ गरिएको नेता कोइरालाको टिप्पणी

प्रतिशोध साँध्न सिरोहियालाई पक्राउ गरिएको नेता कोइरालाको टिप्पणी

काठमाडौं । नेपाली कांग्रेसका नेता शेखर कोइरालाले कान्तिपुर मिडिया ग्रुपका...

‘सिरोहियालाई पक्राउ गरी प्रेस र राज्यवीच द्वन्द्व सिर्जना  गर्न खोजियो’

‘सिरोहियालाई पक्राउ गरी प्रेस र राज्यवीच द्वन्द्व सिर्जना गर्न खोजियो’

काठमाडौं । नेपाल कम्युनिष्ट पार्टी (एकिकृत समाजवादी) ले कान्तिपुर मिडिया...

कान्तिपुर मिडिया ग्रुपका अध्यक्ष सिरोहिया पक्राउ

कान्तिपुर मिडिया ग्रुपका अध्यक्ष सिरोहिया पक्राउ

काठमाडौं । कान्तिपुर मिडिया ग्रुपका अध्यक्ष कैलास सिरोहिया पक्राउ परेका...

उपसभापति र महामन्त्री थापामाथिको आरोप प्रमाणित गर्न गृहमन्त्रीलाई कांग्रेसको चुनौती

उपसभापति र महामन्त्री थापामाथिको आरोप प्रमाणित गर्न गृहमन्त्रीलाई कांग्रेसको चुनौती

काठमाडौं । प्रमुख प्रतिपक्षी दल नेपाली कांग्रेसले पार्टीका उपसभापति धनराज...

मधेस सरकारको नेतृत्व परिवर्तन हुने अध्यक्ष नेपालको भनाई

मधेस सरकारको नेतृत्व परिवर्तन हुने अध्यक्ष नेपालको भनाई

जनकपुरधाम । पूर्वप्रधानमन्त्री एवं नेपाल कम्युनिष्ट पार्टी (एकीकृत समाजवादी)का अध्यक्ष...