Logo
३ कार्तिक २०७८, बुधबार
     Wed Oct 20 2021
E-paper
  English Edition
   Unicode
Logo

अधुरो यात्रा



laxman-adhikari

ओढेर घुम्टो निदरीमा आऊ,
समिप बसेर तिमी मुस्कुराऊ
विस्तारै घुम्टो म उठाउँला
लजाई थोरै नजर मिलाउँला ।

अँधेरी छ रात सुस्तरी आऊ
हेर्दै जुनकिरी राख तिम्रो पाउ
आउ न प्रिय तिमी फेरि आऊ
एक पल्ट अंगालो मारेर जाऊ ।

खोलेर ढोका बस्छु हृदयको
मुस्कान तिमीलाई मेरो अधरको
बलेर आगो रापिदैछ मनमा
घाउविनाको पीडा छ तनमा ।

लिएर आऊ तिमी छिटो डोली
चढेर आउँछु भन्थ्यौ तिमी भोली
तर आयो काल म भन्दा पहिले
जलेर चितामा खरानी अहिले ।

आएर याद व्यथा सिद्धिएन
बगेर आँसु आँखा रित्तिएन
बग्दै खरानी पुग्यो अहिले कहाँ
आऊँ कसरी खोज्दै म त्यहाँ ?

सुहाग तिम्रो त्यो रात मेरो
रहने भो अव सधैँ अधुरो
बनेर ज्युँदो म लास यता
तड्पेको आत्मा तिमी कता कता

आउ न प्रिय सपनीमा आऊ
मायाको प्यास मेटेर जाऊ
दुलहीको श्रृङ्गार चौवन्दि लाऊ
खाली त्यो सिउँदो भरेर जाऊ ।
ओढेर घुम्टो निदरीमा आऊ,
समिप बसेर तिमी मुस्कुराऊ ।

 


यो खबर पढेर तपाईलाई कस्तो महसुस भयो ?

वालिङ्, स्यांग्जा । पर्वतका जयनारायण तिवारी र स्याङ्जाका शोभाखर ढकाल नेकपा (माओवादी केन्द्र) को

काठमाडौं । बागमतीकी मुख्यमन्त्री अष्टलक्ष्मी शाक्यले विश्वासको मत पाउने स्थिति नबनेपछि नेकपा (एमाले)ले मतदानको

काठमाडौँ । नेपालमा भारतको वहार र उत्तर प्रदेश आसपास रहेका न्यून चापीय प्रणाली र

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको