‘महाअभियोगको विषय सत्ता परिवर्तनसँग कुनै सम्बन्ध छैन’

काभ्रेपलाञ्चोकबाट प्रकाशित भएको ‘चेष्टा साप्ताहिक’को २३औँ वर्ष प्रवेशको अवसरमा आज बनेपामा आयोजना भएको वार्षिकोत्सवमा उहाँले महाअभियोगको विषयमा काँग्रेसले सही समयमा सही निर्णय गर्ने विश्वास व्यक्त गर्नुभयो ।

अख्तियारको हाउगुजी देखाएर विकास निर्माणको कामसमेत प्रभावित हुनाका साथै विकास बजेट फ्रिज भएको तर्क गर्दै एमाले नेता ज्ञवालीले लोकमानसिंह कार्कीले लोकतन्त्रलाई नै चुनौती दिन खोजेको आरोप लगाउनुभयो ।

सचिव ज्ञवालीले संविधान कार्यान्वयनको विषय सङ्कटमा परेको उल्लेख गर्दै संविधान कार्यान्वयन हुन नदिन ठूलो षडयन्त्र भएको आशङ्का गर्नुभयो ।

उहाँले भन्नुभयो – “०७४ साल माघभित्र हुने भनिएका कुनै चुनाव पनि नहुने स्थिति आए मुलुक भयानक अराजकतातर्फ धकेलिने छ ।”

सचिव ज्ञवालीले विकास निर्माण र समृद्धिलाई पत्रकारिताले प्राथमिकता दिनुपर्ने तर्क गर्दै साना लगानीमा सञ्चालन भएका मिडियामा अनेकौँ चुनौती भएको बताउनुभयो । चेष्टा साप्ताहिकका प्रकाशक तथा सम्पादक अशोक व्याञ्जुको अध्यक्षतामा सो कार्यक्रम भएको थियो । रासस