हामी सबैकाे संसारन्यूज

८ फागुन, रसुवा । रसुवाका टासी तामाङ नाम परिवर्तनले परिवारको आर्थिक स्तर माथि उठ्ने आसामा आफ्नी श्रीमतीलाई विदेश पठाए । उनी गाउँमै ज्याला मजदुरी गर्न थाले । तीन वर्षपछि उनकी श्रीमती विदेशबाट घर फर्किन् ।

श्रीमानको रोजगारी नभएपछि उनले आफुसँग स्तर नमिल्ने भन्दै सम्बन्ध बिच्छेदका लागि जिल्ला अदालत रसुवा मा मुद्धा दर्ता गरिन् । अदालतमा रहेको मेलमिलाप केन्द्रमार्फत उनीहरुलाई मिलाउन पटकपटक छलफल गरियो । तर उनको श्रीमतीले मिल्न नसक्ने बताएपछि अन्ततः सम्बन्ध विच्छेद भयो ।
रसुवाकै ग्याल्जेन तामाङ नाम परिवर्तन रोजगारीको सिलसिलामा विदेश गए पनि श्रीमतीसँग नियमित कुराकानी भइरहेको थियो । तर जब तामाङ घर फर्किए तब उनीहरुबिच खटपट सुरु हुन थाल्यो । श्रीमतीले आफुलाई ध्यान नदिएको महसुस ग्यालेजलाई हुन थाल्यो । उनले श्रीमतीको अर्कै केटा भएको शंका गर्न थाले । यही निँहुमा दैनिक झगडा हुन थालेपछि उनीहरुले सम्बन्ध विच्छेद गरे । बुधबारको नागरिक दैनिकमा हिमनाथ देवकोटाले लेखेका छन् ।