हामी सबैकाे संसारन्यूज

१३ फागुन, काठमाडौँ । के तपाई एसबिआई बैंकको एटिएमको ग्राहक हुनुहुन्छ भने यो सूचना पढ्नु होला । बैंकले पुरानो एटिएम कार्ड प्रयोगकर्ता ग्राहकहरुको जानकारीका लागि सूचना जारी गरेको छ । बैंकले चिपयुक्त कार्डहरु जारी गरिसकेको भएता पनि कतिपय ग्राहकहरुसँग पुरानै कार्डहरु भएकाले आफ्ना ग्राहकहरुलाई बैंकको आफूलाई पायक पर्ने नजिकैको शाखामा सम्पर्क राख्न अनुरोध गरेको छ । सूचनामा पुराना कार्डहरु २०७६ जेठ १६ गतेदेखि नचल्ने हुँदा सक्दो छिटो नयाँ एटिएम कार्डका लागि आवेदन दिन अनुरोध गरिएको छ ।
कार्डबाट हुने कारोबारहरुलाई सुरक्षित, भरपर्दो एवम् समय सापेक्ष बनाउँदै लाने क्रममा आफ्नो पुरानो एटिएम कार्डलाई प्रतिस्थापन गरी चिपयुक्त एटिएम कार्ड बनाउन लागेको जानकारी बैंकले गराएको छ ।