Sansar News
२० फागुन, काठमाडौं । विप्लव नेतृत्वको नेकपा माओवादी गुल्मीका सेक्रेटरी खिम खड्का पक्राउ परेका छन् ।
जिल्ला प्रहरी कार्यालय गुल्मीले आइतवार सदरमुकाम तम्घासबाट खड्कालाई पक्राउ गरेको हो ।
जिल्लाको शान्ति सुरक्षामा खलल पुर्याउन सक्ने भन्दै उनलाई पक्रिएको बताइएको छ ।
सेक्रेटरी पक्राउ परेपछि नेता विप्लवले संगठनको सुदृढीकरणमा व्यस्त रहेका आफ्ना कार्यकर्तालाई विना कारण नियन्त्रणमा लिइएको भन्दै आपत्ति जनाएका छन् । पार्टी कार्यालय गुल्मीले विज्ञप्ति जारी गर्दै सेक्रेटरी खड्कालाई विना शर्त रिहाई गर्न समेत माग गरेको छ ।
वि.सं.२०७५ फागुन २० सोमवार १५:५६ मा प्रकाशित
