हामी सबैकाे संसारन्यूज

२८ फागुन, काठमाडौ । चारवटा एयरबस दुईवटा न्यारोबडी दुईवटा वाइडबडी को मर्मत सम्भार तथा इन्जिन भाडामा लिन नेपाल वायुसेवा निगमले आह्वान गरेको बोलपत्रमा ३ अर्ब १५ करोड रुपैयाँ बराबरको मुल्य अन्तर देखीएको ठहर गर्दै संघीय संसद्को सार्वजनिक लेखा समितिले ठेक्का पुरस्कृत कार्य स्थगन गर्न निर्देशन दिएको छ ।

समितिले वाइडबडीको कम्पोनेन्ट सप्लाई र इन्जिन ठेक्का छनोट प्रक्रियाबाट बाहिरिएको कम्पनीलाइए फेरि समेट्न तथा न्यारोबडीको रद्ध गरिएको टेन्डरलाई सुचारु गर्न सोमबार निर्देशन दिएको हो । यो निर्णयबाट निगमले चारवटा प्रस्तावकमध्ये बेलायती कम्पनी एजे वाल्टसँग गरेको सम्झौता खारेज हुने भएको छ भने मुल्य प्रस्ताव गर्ने बेलायती कम्पनी ल्फ्थान्सा टेक्निक ठेक्का प्रक्रियामा समेटिने भएको छ । मंगलबारको कान्तिपुर दैनिकमा सुरज कुँवरले लेखेका छन् ।