हामी सबैकाे संसारन्यूज

२८ फागुन, काठमाडौं । विश्व स्वास्थ्य संगठन भन्छ एक हजार जनसंख्या बराबर कम्तीमा एक डाक्टर हुनुपर्छ । तर नेपालमा १४ सय सरकारीसहित जम्मा ४४ सय डाक्टर कार्यरत छन् । अर्थात् एक डाक्टरको भरमा ६७५० जनता पर्छन् ।
नेपाल मेडिकल काउन्सील भन्छ, ‘एक डाक्टरले एक विरामीलाई २० मिनेट दिनुपर्छ’ तर बिरामीले औसतमा पाँचवटा पाउँछन् ।
सहरमा ६२.९५ प्रतिशत र गाउँम ३७.०५ प्रतिशत बासिन्दा छन् । तर, डाक्टर सहरमा ८० प्रतिशत र गाउँमा २० प्रतिशत मात्र छन् ।
यसै विषयमा पूर्व स्वस्थ्यसचिव डा. सेनेद्रराज उप्रेतीले २५ वर्षमा जम्मा दुईसय डाक्टरको दरबन्दी थप भएको बताएका छन् । उनी भन्छन्– ८ बैशाख ०५१ मा स्वास्थ्य मन्त्रालयले स्वास्थ्य संस्थाको संगठन संरचनामा ठूलो परिवर्तन गरेको थियो । त्यसबेला चिकित्सकको दरबन्दी थप गरिएको थियो । त्यसयता ठूलो संख्यामा चिकित्सकको थपिएको छैन् । दुई वर्ष अघि नेपाल चिकित्सक संघको आन्दोलनका कारण २ सयको संख्यामा चिकित्सकको दरबन्दी थप गरिएको थियो । त्यसयता थप्ने चर्चा समेत गरिएको छैन ।’ मंगलबारको नयाँपत्रिका दैनिकबाट