हामी सबैकाे संसारन्यूज

२८ फागुन, काठमाडौ । काठमाडौ महानगरपालिकाले सहरभित्र अत्याधुनिक सुविधासहितको स्मार्ट शौचालय बनाउने भएको छ । उपमेयर हरिप्रभा खड्की श्रेष्ठको अध्यक्षतामा बनेको समितिले शौचालयहरुलाई सेनेटरी प्याड, पानी, बत्ती, साबुनको व्यवस्थासहित स्वचालित उपकरणयुक्त बनाउन अन्तिम खाका तयार गरेको छ । समिति बैठकले नयाँ बन्ने ५९ र पुराना ५८ शौचालयबारे गरिएका अध्ययन प्रतिवेदनका आधारका कार्य अघि बढाइएको उपमेयर श्रेष्ठले बताइन् ।

महानगरभित्रका हरेक सार्वजनिक शौचालयमा सेनेटरी प्याड, पर्याप्त पानी, बत्ती र शौच गर्ने ठाउँ सुविधाजनक हुने जनाइएको छ । नयाँ बन्ने शौचालय धेरै जग्गा भएको स्थानमा महिला, पुरुष र अपांगका लागि फरकफरक निर्माण गरिने उल्लेख छ । जग्गा कम भएका स्थानमा संयुक्त ढाँचाको शौचालय बन्ने प्रतिवेदनमा उल्लेख छ । मंगलबारको कान्तिपुर दैनिकमा राजेन्द्र मानन्धररले लेखेका छन् ।