हामी सबैकाे संसारन्यूज

२८ फागुन, उदयपुर । सामान्यता एउटा बोकाको मूल्य कति पर्ला ? सहजै अनुमान गर्न सकिन्छ २० देखि बढीमा ५० हजार रुपैयाँ सम्म तर एउटै बोकाको मूल्य ३ लाख ५० हवजार रुपैयाँ सम्म रहेको छ । त्यो कुनै सुविधामुखी सहरमा बिक्रिका लागि राखिएको होइन । जिल्लाको पूर्व क्षेत्र बेलका नगरपालिकाले आयोजना गरेको तीनदिने जिल्ला स्तरीय कृषि मेला प्रदर्शनीमा सोहि नपाको वडा नं २ का पाण्डव कार्कीले प्रदर्शनीमा राखेको वोयर जातको बोकाको मूल्य हो ।
मेलामा कार्कीले पालेको बोका प्रमुख आकर्षक बनेको थियो । बाख्रा फार्म सञ्चालन गरेर बसेका कार्कीले सो बोका अष्ट्रेलियाबाट झिकाएका हुन् । जन्मिएको ३ महिनामा २ लाख ५० हजार मूल्य लगाएर अष्ट्रेलियाबाट झिकाएको उनले बताए । मंगलबारको राजधानी दैनिकबाट