हामी सबैकाे संसारन्यूज

काठमाडौं । सर्वोच्च अदालतले सम्पत्ति शुद्धीकरणसम्बन्धी मुद्दामा मिलन गुरुङ ‘चक्रे मिलन’ र उनकी श्रीमती इन्दिरा घले गुरुङलाई सफाइ दिएको छ।

गुण्डागर्दी तथा अवैध गतिविधिबाट सम्पत्ति आर्जन गरेको आरोपमा उनीहरूमाथि सम्पत्ति शुद्धीकरणसम्बन्धी मुद्दा चलेको थियो। सर्वोच्च अदालतले उक्त मुद्दामा विशेष अदालतले करिब आठ वर्षअघि गरेको फैसलालाई सदर गर्दै उनीहरूलाई सफाइ दिएको हो।

न्यायाधीशहरू अब्दुल अजीज मुसलमान र मेघराज पोखरेलको इजलासले मुद्दाको सुनुवाइ गर्दै विशेष अदालतको फैसला सदर गरेको हो ।
विशेष अदालतको फैसलाविरुद्ध परेको पुनरावेदनमाथि सर्वोच्चमा सुनुवाइ भएको थियो। सर्वोच्चको पछिल्लो फैसलासँगै उनीहरूमाथि लगाइएको सम्पत्ति शुद्धीकरणसम्बन्धी आरोपमा कानुनी रूपमा सफाइ भएको छ।

सम्पत्ति शुद्धीकरणसम्बन्धी मुद्दामा अभियोग पुष्टि हुने आधार पर्याप्त नभएको निष्कर्षका आधारमा विशेष अदालतको फैसला नै कायम भएको हो।