Sansar News
७ चैत, काठमाडौं । ग्रेटर नेपाल राष्ट्रवादी मोर्चाका अध्यक्ष फणिन्द्र पन्त नेपालको नक्सा बोकेर स्वीजरल्याण्डको जेनेभास्थित संयुक्तराष्ट्र संघको मानब अधिकार परिषद्मा पुगेका छन् ।
विगत २०३ वर्षदेखि नेपालको झण्डै ६ हजार वर्ग किलोमिटर भूमि पहिले बेलायत र त्यसपछि इन्डियाको उपनिवेशको जाँतोमा पिसिँदै आएको दुःखद पीडाको आवाजको सुनुवाइ गर्न अनुरोध गर्दै अध्यक्ष नेपाल संयुक्तराष्ट्र संघको मानब अधिकार परिषद्मा पुगेका हुन् ।
अध्यक्ष नेपालले चैत २ गते (शनिबार) नेपाली समयअनुसार ४ ः ३० बजेतिर जेनेभास्थित संयुक्त राष्ट्रसंघको ब्रोकन चेयरमा ग्रेटर नेपालको नक्सा प्रदर्शन गरेर नेपालीहरूको लामो प्रतीक्षा पूरा गरेका हुन् ।
उनले पहिले संयुक्त राष्ट्रसंघकोे प्राङ्गणमा संयुक्त राष्ट्र संघका सदस्य राष्ट्रहरूका झन्डासँगै राखिएको नेपालको राष्ट्रिय झन्डाका अघिल्तिर ग्रेटर नेपालको नक्साका साथ उभिएर नेपाली जनताका नाममा कसम खाँदै त्यसपछि संसारलाई आफ्नो पीडाको आवाज र विरोधको स्वर सुनाउन पाउने ठाउँका रूपमा बहुचर्चित ब्रोकन चेयरमा उभिएर ग्रेटर नेपालको नक्सा प्रदर्शन गरेका थिए अध्यक्ष नेपालले ।
उनलाई साथदिन त्यहाँ उपस्थित स्वीजरल्याण्डबासी नेपालीहरूले पनि ग्रेटर नेपालको नक्सा प्रदर्शन गरी नेपालको भूमिमा भारतले गरिरहेको हस्तक्षेपको विरोध गरेको संसारन्यूजलाई बताए ।
सोहि अवसरमा अध्यक्ष नेपालले यस घटनाले फरक मोडमा पु¥याएको बताउँदै देशप्रति उत्तरदायित्व अझ बढेको भन्दै खुसी व्यक्त गरेका छन् ।
वि.सं.२०७५ चैत ५ मंगलवार १०:४२ मा प्रकाशित
