हामी सबैकाे संसारन्यूज

८  चैत, काठमाडौ । पुर्व पश्चिम राजमार्गको बुटवल नारायणगढ सडक अब ४ लेनको बन्ने भएको छ । वि.सं २०२८ सालमा २ लेनमा बनेको उक्त सडकको अब भने मुहार फेरीने पक्का भएको हो ।

प्रदेश नम्बर ३ को अन्तीम बिन्दु नारायणगढ बजारबाट,गण्डकी प्रदेशको तराई क्षेत्र नवलपुर हुँदै ५ नम्बर प्रदेशको अस्थायी राजधानी बुटवल जोड्ने उक्त सडक विस्तारमा १६ अर्ब १९ करोड ५२ लाख रुपीयाँ लाग्ने जनाइएको छ । उक्त सडकलाई चिनिया निर्माण कम्पनी चाइना स्टेट कन्सट्रक्सनले ३ वर्ष भित्र ४ लेनमा विस्तार गर्ने छ ।

सडकको कूल लम्बाई १ सय १३ किमी रहेको छ । एसीयाली विकास बैंकको ऋण सहयोगमा निर्माण हुने उक्त सडकलाई नवलपुरको चुरे क्षेत्र पुर्व र पश्चीम दवै तर्फबाट निर्माण गरीने जनाइएको छ ।