हामी सबैकाे संसारन्यूज

चैत १६ नेपालका कानुन व्यवसायीहरुको लागि विशेष दिन हो । यो दिन, नेपालका कानुन व्यवसायी मित्रहरुको भाग्य र भविष्य सँग जोडिएको छ । यस दिन हामिले गर्ने निर्णयले कानुन व्यवसाय र समग्र न्याय क्षेत्रमा गम्भीर प्रभाव पार्ने पक्का छ ।

नेपालको संविधानले परीकल्पना गरेको स्वतन्त्र, सक्षम, निस्पक्ष र उत्तरदायी न्यायपालिकाको प्रर्वधनका निम्ती मतदान गर्ने वा हिजका दिनमा बारको नेतृत्वले गरेका कमजोरी र गल्तीलाई निरन्तरता दिने भन्ने निर्णय गर्ने दिन चैत १६ गते हो । प्रगतिशिल, पेसागत तथा समावेशी समुह पहिलो कामका लागि परीचित प्यानल हो । यस प्यानलले कानुन व्यवसायीहरुको दक्षता अभिवृद्धिका लागि आफ्नो अभीयान सन्चालन गरेको छ । यस प्यानलको उद्धेश्य कानुन व्यवसायी दक्ष भएमात्रै कानुन व्यवसाय र व्यवसायी सम्मानीत र मर्यादीत हुन्छन् भन्ने रहेको छ ।

पछिल्लो समय नेपाल बारको गती अत्यन्तै कमजोर भएको छ । देश संघीय संरचनामा गएको ४ वर्ष भयो । सोही आधारमा देहमा विभिन्न तहका निर्वाचन भएको पनि साढे एक वर्ष भइसक्यो । तर देशमा स्वच्छ, निष्पक्ष र जवाफदेही शासन प्रणालीको लागि लडिरहने संस्था नेपाल बार संवीधान बमोजीम संघीय संरचनामा जान सकेको छैन । बारको पुर्नसंरचना अहिलेको आवश्यकता हो र यसका लागि पनि तमाम विद्वान अधिवक्ता मित्रहरुको प्रगतिशिल प्यानललाईनै मतदान गर्ने छन् । यस बाहेक संवैधानीक अभ्यास र राष्ट्रिय सरोकारका विषयमा बारको वर्तमान नेतृत्वले विराएको बाटो सच्याउनु अहिलेको आवश्यकता हो । न्यायपालिकालाई योजनावद्ध तरीकाले कुनै अमुक दलको भातृ संस्था बनाउन खोज्ने वर्तमान बार नेतृत्वको विकल्प नखोज्ने हो भने भविष्यमा बारको निष्ठा र नैतिक धरातल गुम्ने पक्का छ । वर्तमान बार नेतृत्व र उसैको भरण पोषण गर्न विपक्षी प्यानलबाट यसको अपेक्षा गर्न सकिदैन ।
यसको उच्चतम विकल्प वरीष्ठ अभिवक्ता चण्डेश्वर श्रेष्ठको नेतृत्वको वौद्धिक,समावेशी र युवा कानुन व्यवसायीहरुकोे प्यानलबाट मात्रै सम्भव छ । मलाई पनि यस्तो शसक्त प्यानलको उपाध्यक्ष पदको उमेदवार हुन पाएकोमा अत्यन्तै गर्व लागेको छ ।

चण्डेश्वर श्रेष्ठले नेतृत्व गर्नुभएको समुह अनुभवी निष्ठावान र नवोदित वकिलको समुह हो । यो सबभन्दा समावेशी छ । सबभन्दा बढि अध्ययनशील समुह पनि रहेको छ । जति अध्ययनशील र वौद्धीक यो समुह छ, त्यति नै सबै हिसाबले समावेशी समेत यही समुह रहेको छ ।

यो प्यानललाई कानुन व्यवसायीहरुले आफ्नो व्यवसायीक क्षमता अभिवृद्धि र सुरक्षका लागि मत दिने छन् । देशलाई संकट परेको बेला देशका लागि सबैभन्दा पहिले आवाज उठाउने संस्था बनाउनका लागि आम वकिल मित्रहरुले यस प्यानललाई मत दिने छन् ।  (लेखक उपाध्यक्ष पदका उमेदवार हुन )