हामी सबैकाे संसारन्यूज

८ चैत्र । साफ महिला च्याम्पियनको फाइनल खेलमा नेपाल र भारतले १/१ को बराबरी खेलेका छन् ।

विराटनजरको शहिद रंगशालामा भैरहेको खेलमा भारतले पहिलो गोल २३ मिनेटमा हानेको थियो । भारतकी इलीमा छिब्बरले ३० यार्ड टाढाबाट फ्रि किकमार्फत उक्त गोल गरेकी हुन् । खेलको ३३ औँ मिनेटमा नेपाली सावित्रा भण्डारीले १ गोल फर्काएर खेलामा बराबरी नतिजा निकालेकी छिन् ।

प्रदेश नं १ सरकारले आजको खेलमा नेपालले जितेमा जनही रु दुई लाख पुरस्कार दिने घोषणा गरेको छ । मुख्यमन्त्री तथा मन्त्रिपरिषद्को कार्यालय प्रदेश नं १ को आज भएको निर्णयअनुसार सो पुरस्कार दिने घोषणा भएको मुख्यमन्त्रीका प्रेस सल्लाहकार धु्रव सुवेदीले जानकारी दिए ।

मन्त्रिपरिषद्को निर्णयअनुसार नेपाल समूह दोस्रो विजेता भएमा खेलाडीको हौसला बढाउन जनही रु एक लाख प्रदान गर्ने निर्णय भएको छ ।
विराटनगर महानगरपालिकाले पनि थप पुरस्कार दिने प्रमुख भीम पराजुलीले यसअघि नै घोषणा गरिसकेका छन् ।