back

व्यापक जनदवावपछि थवाङ स्वायत्त गाउँपालिका सिफारिस

वि.सं.२०७३ कात्तिक २२ सोमवार

342 

shares
RBB AD
NTC AD

२२ कात्तिक, लिवाङ (रोल्पा) । व्यापक जनदबाबपछि थवाङ स्वायत्त गाउँपालिका सिफारिस हुने भएको छ । विगत तीन दिनदेखि थवाङवासीहरूले गरेको आन्दोलनका कारण थवाङलाई स्वायत्त गाउँपालिका सिफारिस गरिने भएको हो ।

आइतबार बिहान ७ बजेदेखि बसेको स्थानीय तह पुनःसंरचना प्राविधिक सहयोग समितिको बैठक साँझ करिब ६ बजेमात्र टुङ्गिएको थियो । आयोगले नौवटा सङ्ख्या निर्धारण गरेको भएता पनि बैठकले रोल्पाका लागि १० वटा स्थानीय तहको सिफारिस गरी पठाउने निर्णय गरेको स्थानीय विकास अधिकारी सुशील वैद्यले जानकारी दिनुभयो ।

उहाँका अनुसार पञ्चायतकालदेखि सशस्त्र द्वन्द्वको उद्गम थलोका रुपमा चर्चा, परिचर्चा पाएको ऐतिहासिकता र भौगोलिक विकटताको कारण थवाङलाई थप एक स्वायत्त गाउँपालिका माग गर्न बैठकमा सहमति भएको हो ।

बैठकमा थवाङलाई गाउँपालिका बनाउने विषयमा सबैको सहमति भएता पनि नेपाली काँग्रेस र राप्रपा नेपालले भने केही बुँदामा असहमतिका साथ निर्णय पुस्तिकामा हस्ताक्षर गरेका छन् ।

कार्यसर्त र कार्यविधिमा इलाकालाई मुख्य आधार मान्ने उल्लेख भएता पनि भइरहेको इलाकाको केन्द्र जुगारमा प्रस्तावित त्रिवेणी गाउँपालिकाको केन्द्र नराखेको भनी नेपाली काँग्रेसले असहमति जनाएको छ । राप्रपा नेपालले पनि जुगारमा र प्रस्तावित लुङ्ग्री गाउँपालिकाको केन्द्र गाजावाङमा नराखेको भनी असहमति जनाएको छ ।

बैठकले थवाङ स्वायत्त क्षेत्र, रोल्पा नगरपालिका केन्द्र लिवाङ, त्रिवेणी गाउँपालिका केन्द्र त्रिवेणी÷जुगार, रुन्टीगढी गाउँपालिका केन्द्र होलेरी, दुईखोली गाउँपालिका केन्द्र पुत्लाखोला, सुकीदह गाउँपालिका केन्द्र सुखाओडार, माडी गाउँपालिका केन्द्र घर्तीगाउँ, सुवर्णावती गाउँपालिका केन्द्र सुलिचौर, सुनछहरी गाउँपालिका केन्द्र पोवाङ र लुङ्ग्री गाउँपालिका केन्द्र बडाचौर गरी १० वटा सङ्ख्या सिफारिस गरी पठाउने भएको छ ।

समितिले सदरमुकाममा रहेको नगरपालिका लिवाङको नाम परिवर्तन गरी रोल्पा नगरपालिका नामाकरण गर्ने निर्णय गरेको जनाएको छ ।

थवाङलाई गाउँपालिका बनाउने सहमति भएपछि थवाङवासी घरघर फर्किसकेको आन्दोलन समितिका संयोजक जयप्रकाश रोकाले जानकारी दिनुभयो ।

वि.सं.२०७३ कात्तिक २२ सोमवार ०३:१५ मा प्रकाशित

NLIC AD
NABIL bank AD
खेलमार्फत अर्थतन्त्र र कूटनीतिक सम्बन्ध सुदृढ गर्न पहल गरिरहेको छु : प्रधानमन्त्री

खेलमार्फत अर्थतन्त्र र कूटनीतिक सम्बन्ध सुदृढ गर्न पहल गरिरहेको छु : प्रधानमन्त्री

काठमाडौँ । प्रधानमन्त्री पुष्पकमल दाहाल ‘प्रचण्ड’ले खेलमार्फत अर्थतन्त्र र कूटनीतिक...

जापानद्वारा अग्निपीडित गुल्मेली समाजलाई सहयोग

जापानद्वारा अग्निपीडित गुल्मेली समाजलाई सहयोग

गुल्मी । गुल्मेली समाज जापानले गुल्मीका ७० अग्निपीडित परिवारलाई रु...

राष्ट्रिय सुरक्षालाई मजबुत बनाउन आवश्यक : मन्त्री उप्रेती

राष्ट्रिय सुरक्षालाई मजबुत बनाउन आवश्यक : मन्त्री उप्रेती

काठमाडौँ । रक्षामन्त्री हरिप्रसाद उप्रेतीले मुलुकको राष्ट्रिय सुरक्षालाई मजबुत बनाउन...

राष्ट्रिय परिचयपत्र अनिवार्य गर्न नहुनेमा सांसदहरुको जोड

राष्ट्रिय परिचयपत्र अनिवार्य गर्न नहुनेमा सांसदहरुको जोड

काठमाडौँ । राष्ट्रियसभाको आजको बैठकमा सांसदहरुले वृद्धभत्ताका लागि राष्ट्रिय परिचयपत्र...

बहत्तर सिटे जहाजबाट काठमाडौँ-भरतपुर उडान गर्दै बुद्ध एयर

बहत्तर सिटे जहाजबाट काठमाडौँ-भरतपुर उडान गर्दै बुद्ध एयर

चितवन । बुद्ध एयरले ७२ सिटे जहाजबाट काठमाडौँ-भरतपुर उडान गर्ने...

प्रतिनिधिसभा बैठक : विपद् व्यवस्थापनको पूर्वतयारी गर्न सांसदहरुको माग, कस्ले के भने ?

प्रतिनिधिसभा बैठक : विपद् व्यवस्थापनको पूर्वतयारी गर्न सांसदहरुको माग, कस्ले के भने ?

काठमाडौँ । प्रतिनिधिसभाका सदस्यहरुले विपद् व्यवस्थापनको पूर्वतयारी गर्न सरकारसँग माग...