हामी सबैकाे संसारन्यूज

११ चैत, काठमाडौ । प्रधानमन्त्री केपी शर्मा ओलीले नेत्र विक्रम चन्द विप्लव नेतृत्वको पार्टीलाई सहजरुपमा राष्ट्रिय राजनीतिको मूलधारमा आउन आग्रह गरेका छन् ।

प्रधानमन्त्री ओलीले चैतभित्रै विप्लव समूहका अतिवादी विध्वंशात्मक क्रियाकलापलाई नियन्त्रणमा लिइने बताउँदै विप्लव समूहलाई सहजरुपमा माने सहजरुपम र नभए जेलमा बसेर आउन पनि आग्रह गरेका थिए ।

नेकपा संसदीय दलको बैठकलाई सम्बोधन गर्ने क्रममा पार्टी अध्यक्ष समेत रहेका प्रधानमन्त्री ओलीले सरकारलाई असफल बनाउनका लागि विकास निर्माणका काम अवरोध गर्ने, लोकतन्त्रलाई अबरोध पार्ने, समाजवाद उन्मुख सरकारका प्रयासहरुलाई अवरोध गर्ने, बाधा व्यवधान उत्पन्न गर्ने गतिबिधिहरु विप्लव समूहले गर्दै आएको बताएका थिए ।

प्रधानमन्त्री ओलीले भने, ‘नाम कम्युनिष्ट पार्टी राख्ने, हसियाँ हथौडाकै झण्डा लिने नाम पनि कम्युनिष्ट पार्टी नै राख्ने, कम्युनिष्ट भनेका यस्तै हुन्छन् भन्ने बनाइदिने, हामी सहिष्षुण व्यवहार गर्ने उनीहरुले हत्याको लिस्टमा नेताहरु राखेर मान्छे खटाउने नेताहरु मार्नका लागि खटाउने नामका अगाडि क फलानो भनेर राख्ने ।’