हामी सबैकाे संसारन्यूज

१८ चैत, वीरगन्ज । बारा र पर्सामा आइतबार बेलुका आएको हावा हुरीले २५ जनाको ज्यान लिएको छ भने २०० भन्दा बढी घाईते भएका छ ।

हावाहुरीका कारण बारामा २४ जनाको मृत्यु भएको र पर्साको ग्रामीण इलाका हरबडियामा एक जनाको मृत्यु भएको सरकारी अधिकारीहरुले जनाएका छन् ।

पर्सामा हावाहुरीका कारण बिजुलीको पोल ढल्नुका साथै इँटा भट्टाको चिम्नि हवाहुरीले लडाउँदा र गुड्दै गरेको गाडी पल्टिएर बढी मानबिय क्षति भएको बताइएको छ ।

यस दुर्घटनालाई लिएर प्रधानमन्त्री केपी ओलीले आपनो ट्विटमा २५ जनाको मृत्यु भएको जनाउँदै ४०० जना भन्दा बढी घाईते भएको र उद्धारमा खटिन र उद्धारमा कुनै कमी हुन नदिन पनि निर्देशन दिएका छन् ।

मृत्यु हुनेको पहिचान खुल्न नसकेको तथा घाईतेहरुको नारायणी उपक्षेत्रीय अस्पतालमा उपचार भइरहेको प्रहरीले जनाएको छ ।

ग्रामीण क्षेत्रमा आएको हावाहुरीका कारण घर, पर्खाल भत्किनाका साथै ठूलो जनधनको क्षति भएको छ । हुरीका कारण आपत्मा परेकाहरुको उद्धारमा नेपाली सेना, नेपाल प्रहरी, सशस्त्र प्रहरी तथा स्थानीयवासी खटिएको प्रहरीले जनाएको छ ।

भोली बिहानबाट आवस्यक उद्दार र राहतका लागि हेलिकप्टर तयारी अवस्थामा राखिएको छ । मौसमले साथ दिएमा तत्काल उद्दार गर्न काठमाडौंको एयर बेसमा
“नाईट भिजन” हेलिकप्टर तयारी अवस्थामा राखिएको छ।
सुरक्षाकर्मी संगै उद्दारमा संलग्न रहन म, सिंगो पार्टी पंक्तिलाई आह्वान गर्दछु।

— K P Sharma Oli (@kpsharmaoli) March 31, 2019