हामी सबैकाे संसारन्यूज

१८ चैत, कन्चनपुर । भीमदत्त नगरपालिकाकी १३ वर्षीया बालिका निर्मला पन्तको बलात्कारपछि हत्या भएको ९ महिना बित्यो । अनुसन्धान टोलीले ६० जनाभन्दा बढीको डीएनए परीक्षण गरिसक्यो । यसबिचमा प्रहरीले धेरै पटक भनि पनि सक्यो-अपराधीको नजिकै पुग्यौँ । तर पीडितले न्याय नपाएको देख्दा लाग्छ, अनुसन्धान ज्यूँका त्यूँ छ ।शुन्यमा ।

नेपाल प्रहरीको केन्द्रीय अनुसन्धान ब्युरो सीआईबी महानगरीय प्रहरी अपराध महाशाखा र जिल्ला प्रहरी कार्यालय कन्चनपुरको विशेष टोली अनुसन्धानमै छन् । निर्मलाको भेजाइनल स्वाबसँग डीएनए परीक्षण गरिएका व्यक्तिसँग मेल खाएको छैन ।

साउन १० गते बेपत्ता निर्मलाको शव ११ गते उल्टाखामनजिकै उखुबारीमा शव भेटिएको थियो । गृह मन्त्रालयले छानबिन समिति गठन गर्यो । समितिले मुख्य अभियुक्तको पहिचानबिनै प्रतिवेदन बुझायो । प्रहरी प्रधान कार्यालयले एआईजी धीरु बसन्यातको नेतृत्वमा अर्को छानबिन समिति पनि गठन गर्यो । यो समितिले मुख्य अभियुक्त पक्राउभन्दा पनि छानबिनमा खटिएका प्रहरीमाथि नै अनुसन्धानकेन्द्रीत गर्यो । सोमबारको अन्नपुर्ण पोस्ट दैनिकमा सुवास गोतामेले लेखेका छन् ।