२३ कात्तिक, ललितपुर । उपराष्ट्रपति नन्दबहादुर पुनले देश लामो समय राजनीतिक परिवर्तनमा लागेकाले अब आर्थिक समृद्धिमा लाग्नुपर्ने बताउनुभएको छ ।
मानव विकास तथा सामुदायिक सेवाको रजतोत्सवका अवसरमा हिजो यहाँ आयोजित कार्यक्रममा उहाँले हिमाल, तराई र पहाड सबै क्षेत्रमा बसोबास गर्ने नेपाली मिलेर लाग्दा मात्रै समृद्ध नेपाल निर्माण सम्भव भएको बताउनुभयो ।
आयुर्वेदिक र प्राकतिक चिकित्साको प्रवद्र्धन र संरक्षणमा लाग्न उहाँले सरकारको ध्यानाकर्षण गर्दै भन्नुभयो, “सरकार स्वास्थ्य संस्था र स्वास्थ्यकर्मीको सङ्ख्या बढाउन लाग्नुपर्छ, स्वास्थ्य बिमा प्रभावकारी बनाएर सेवामा सबैको पहुँच पु¥याउनुपर्छ ।”
सो अवसरमा सहरी विकासमन्त्री अर्जुननरसिंह केसीले सरकार पुग्न नसकेका ठाउँमा समेत पुगेर काम गरिरहेका गैरसरकारी र अन्तर्राष्ट्रिय गैरसरकारी संस्थाको प्रशंसा गर्दै राम्रा काम गरिरहेकाहरूले मानवतावादी कामलाई निरन्तरता दिनुपर्ने र जुनसुकै जात र धर्मको भए पनि नेपालीहरू एकार्कालाई सहयोग गरेर अघि बढ्नुपर्ने बताउनुभयो ।
संस्थाका कार्यकारी निर्देशक डा तीर्थ थापाले संस्थाले २५ वर्षदेखि निरन्तर गरिब र असहायलाई सेवा गरिरहेको जानकारी दिनुभयो । रासस
