Sansar News
२३ कात्तिक, मोगादिसु (सामोलिया) । सोमालियाको गाल्कायो क्षेत्रमा भएको झडपमा परी कम्तिमा २५ सैन्य लडाकूको मृत्यु भएका यहाँको सेनाले जनाउको छ ।
सोमालियाली गाल्कायो सहर क्षेत्रमा पुन्टल्यान्ड र गाल्मुडग प्रतिद्वन्द्वी समूहबीच भएको भिडन्तमा पुन्टल्यान्डका सैन्य बलतर्फ १२ जनाको मृत्यु भएको र १० जना घाइते भएको पुन्टल्यान्ड कमान्डर जुमाले जामा टकारले बताउनुभयो ।
त्यसैगरी सोही भिडन्तमा अर्को सशस्त्र समूह गाल्मुडगतर्फ १३ जना सैन्य लडाकूको मृत्यु हुनुका साथै २० जना अन्य घाइते भएको गाल्मुडग कमान्डर अब्दिराहमन उजीले बताउनुभयो । रासस÷एएफपी
वि.सं.२०७३ कात्तिक २३ मंगलवार ०४:५४ मा प्रकाशित
