२४ चैत, काठमाडौ । कार्य सम्पादन समितिमा भागबन्डा नमिल्दा कांग्रेसको शनिबार बोलाइएको बैठक स्थगन भएको छ । कार्यसम्पादन समितिसहित पार्टी विभाग र भ्रातृ संगठनबारे निर्णय लिन बैठक बोलाइएको थियो ।
सभापति शेरबहादुर देउवाले शुक्रबार साँझ आफ्नो निवास बूढानीलकण्ठमा बोलाएको शीर्ष बैठकमा कार्यसम्पादन समितिमा संस्थापन पक्षबाट ६० र नेता रामचन्द्र पौडेल पक्षमा ४० प्रतिशत सहभागी गराउने सहमति भएको थियो ।
देउवाले अर्का नेता कृष्णप्रसाद सिटौला पक्षलाई ४० प्रतिशतबाटै नेताहरु राख्ने प्रस्ताव गरेका थिए । प्रस्तावबाट असन्तुष्ट सिटौला झोक्किएर बाहिरिएका थिए । पौडेलले पनि प्रस्ताव अस्वीकार गरेका थिए ।
कार्यसम्पादन समिति गठन गर्न थप छलफल र सहमति कायम गर्नुपर्ने भएकाले बैठक स्थगन गरिएको कांग्रेस प्रवक्ता विश्वप्रकाश शर्माले बताए । आइतबारको अन्नपुर्ण पोस्टमा नवीन झादले लेखेका छन् ।
वि.सं.२०७५ चैत २४ आइतवार ०७:२२ मा प्रकाशित
