Sansar News
२४ चैत, विराटनगर । पूर्वी पहाडका बासिन्दाले खानेपानी संकट झेलिरहेका छन् । मुहान धमाधम सुक्दै गएपछि स्थानीयको दैनिकी कष्टकर बनेको छ ।
स्थानीय, प्रदेश र संघ गरेर तीनै तहका सरकार पाउँदा पनि जनताले पानीकै कारण अनेक हन्डर खेप्नुपरिरहेको छ । पाँचथरको कुम्मायक ५ बिनुवापानीका स्थानीयले एक दिनमा एक गाग्रो पानी पाउँछन् । एउटा धारोमा ४० परिवार निर्भर रहेको स्थानीय लोकवीर बोहोराले बताए । भने, बिहान ३ बजे लाइनमा बस्दा दिउँसो ३ बजे मात्र पानी भर्ने पालो आउँछ ।
प्रदेश सरकारको १ करोड ९० लाख रुपैयाँ लगानीमा डिप बोरिङ सन्चालन गरी पानीको व्यवस्था गरिएको छ । १ हजार ५ सयलाई लक्ष्य गरिए पनि यासोक बजारका ६ सय ५० घरलाई मात्र पानी पुगेको छ । समस्या समाधान गर्न ४० करोड ४४ लाख लागतमा तमोर लिफ्ट खानेपानी आयोजना निर्माण भइरहेको छ । आइतबारको अन्नपुर्ण पोस्टबाट ।
वि.सं.२०७५ चैत २४ आइतवार ०७:३३ मा प्रकाशित
