Sansar News
२३ चैत, काठमाडौ । धुर्मुस सुन्तली फाउण्डेशनद्धारा चैत २२ गते शनिबारका लागि आयोजित ‘मातृभूमि कप’ चैत ३० गते हुने भएको छ ।
शनिबार बिहानै देखिको मौसममा खराबी र बर्षाका कारण मातृभूमि कप स्थगित गरेर आउँदो शनिबार ३० चैतका लागि सारिएको फाउन्डेशनले जनाएको छ ।
फाउन्डेशनले चैत ३० गते शनिबार सोहि समयमा खेल सुरु हुने बताउँदै खरिद गरिएका टिकट सुरक्षित राख्न र सोहि टिकटमार्फत् खेल हेर्न सकिने पनि बताएको छ । साथै उक्त दिनका लागि पनि टिकट खुल्ला गरिएको जनाउँदै सम्पूण खेलप्रेमी महानुभावबाट सहयोगको अपेक्षा राखेको समेत फाउन्डेशनले जनाएको छ ।
वि.सं.२०७५ चैत २४ आइतवार १२:४७ मा प्रकाशित
