हामी सबैकाे संसारन्यूज

२४ चैत, काठमाडौ । नेपालको आकाशमा सबभन्दा बलियो पकड कायम गरेको बुद्ध एयरले अन्तराष्ट्रिय आकाशमा पनि आक्रामक बजार विस्तारको रणनिति अगाडी सारेको छ ।

भारतका सहरमा नियमीत उडान भरीरहेको बुद्धले चिनका सहरहरुमा पनि आफ्नो उडान विस्तार गर्ने तयारी गरीरहेको छ । हाल १२ वटा विमानबाट उडान भरीरहेको उक्त एयरले पछिल्लो पटक ल्याएको नयाँ विमानलाई नयाँ आकाशमा उडाउने तयारी गरेको हो ।

विगत ६ वर्ष देखि उक्त एयरले भारतको बनारसमा उडान भर्दै आएको छ । यस्तै २०७६ बैशाखबाट कोलकत्ता उडान गर्ने तयारीमा बुद्ध एयर रहेको छ । भारतको बनारसमा साप्ताहीक रुपमा २ वटा उडान गरीरहेको कम्पनीले कोलकत्तामा ३ वटा उडान नियमीत गर्ने बताएको छ । यस्तै जेठ १३ पछि पटनामा आफ्नो हवाइजहाज उडाउने तयारी गरिरहेको बुद्धले चिनका विभिन्न सहरमा पनि उडान गर्ने योजना तयार पारिरहेको छ । सोही अनुरुप विभिन्न अध्ययन भइरहेको कम्पनीले बताएको छ ।