२५ चैत, काठमाडौ । नेपाल पत्रकार महासंघ भारत शाखाको दोस्रो अधिवेशन आइतबार सम्पन्न भएको छ । अधिवेशनले लोकेस शाहको नेतृत्वमा ११ सदस्यीय कार्यसमिति सर्वसम्मत रुपमा गठन गरेको छ ।
महासंघको भारत शाखाको नवनिर्वाचीत समितिको उपाध्यक्षमा देव शहादुर कुवँर, महासचिवमा अर्जुन खनाल सर्वसम्मत भएका छन् । यस्तै खुल्ला सचिव तर्फ ऐक्यवद्धता मासिकका दिल्ली संयोजक देवेन्द्र केसी र समावेशी सचिव तर्फ धनविर पुन सर्वसम्मत भएका छन् ।
अन्य सदस्यहरुमा इन्द्रकमल जैरु, बाबु रोका मगर, भेषराज पौडेल, खुम बहादुर गुरुङ र केशवराज पोखरेल चयन भएका छन् । कार्यक्रममा नेपाल पत्रकार महासंघका केन्द्रीय अध्यक्ष गोवीन्द आचार्यले पत्रकारहरुलाई आचारसंहिता पालना गर्न आग्रह गरेका थिए ।
वि.सं.२०७५ चैत २५ सोमवार १३:४१ मा प्रकाशित
