Sansar News
पोर्चुगलमा एक नेपाली युवाको मृत्यु भएको छ । स्याङ्जा नगरपालिका बाडखोला घर भई पोर्चुगलको राजधानी लिस्बोनमा बस्दै आएका विदुर रेग्मीको अप्रिल ६ मा २९ वर्षको उमेरमै मृत्यु भएको हो ।
बाटोमा हिड्दा हिड्दै लिस्बनको अल्कान्त्रामा हृदयघातका कारण लडेका रेग्मीलाई बटुवाले देखेपछि स्थानीय प्रहरीलाई खबर गरेका थिए । तत्कालै एम्बुलेन्ससहित डाक्टर त्यहाँ आएपनि उनलाई बचाउन नसकिएको बताइएको छ ।
उनको शव नेपाल पठाउन निकै खर्चिलो हुने भएकोले गैरआवासीय नेपाली संघ पोर्चुगल र विभिन्न संघसंस्थाको पहलमा पोर्चुगलका नेपालीबाट सहयोग रकम संकलन थालिएको बताइएको छ ।
वि.सं.२०७५ चैत २६ मंगलवार १४:३६ मा प्रकाशित
