हामी सबैकाे संसारन्यूज

२७ चैत, काठमाडौ । नेपालको दक्षिणी छिमेकी देश भारत अहिले चुनावको मुखमा छ । हिन्दुवाद लाई मुख्य आदर्श मानेको सत्तारुढ दल भारतीय जनता पार्टी हिन्दु राष्ट्रवाद सँगै शैन्य शक्ती बढाउने तयारीमा छ । सन् २०१४ को चुनावमा जस्तो भाजपा र यसका उग्र दक्षीणपन्थी नेता प्रधानमन्त्री नरेन्द्र दामोदर दास मोदीको जस्तो माहोल नभएपनि सामान्य बहुमत भाजपाकै पोल्टामा पर्ने अनुमान आम विश्लेषकहरुको रहेको छ ।

भाजपाले २०१४ को आम चुनाव पछि पूर्व प्रधानसेनापति भीके सींहलाई विदेश राज्य मन्त्री बनाएको थियो । यस्तै भारतीय सेनाका पूर्व उपप्रमुख लेफ्टीनेन्ट जनरल सरद चन्दलाई पार्टी प्रवेश गराएको छ ।

यस्तै चुनाव पछि बन्ने भाजपा सरकारमा अजित डोभललाई विदेश मन्त्री बनाउने तयारीमा भाजपा रहेको आजको जनआस्था साप्ताहीकले लेखेको छ । सन् २०१४ मा मोदी सरकार बनेसँगै डोभल भारतका सुरक्षा सल्लाहाकार रहेका छन् । उनै डोभल लाई राज्य सभामा लगेर मन्त्री बनाउने तयारीमा भाजपा रहेको छ । डोभल वि.सं. २०७२ सालमा भारतले नेपालीमाथी लगाएको नाकाबन्दीका मास्टर माइन्ड मानीन्छन् । आजको जनआस्थाले लेखेको छ ।