हामी सबैकाे संसारन्यूज

२९ चैत, काठमाडौ । नेपाली सेनालाई आत्मनिर्भर बनाउन हतियार, गोलीगठ्ठा, विस्फोटक पदार्थ, उपकरण र लत्ताकपडा मुलुकभित्रै उत्पादन गरिने भएको छ । प्रस्तावित राष्ट्रिय सुरक्षा निति २०७५ मा यस्तो प्रस्ताव गरिएको हो । नीतिमा सेना र प्रहरीको क्षमता र व्यावसायिकता वृद्धि गर्ने व्यवस्था छ । सरकारले स्वीकृत गरिसकेको सुरक्षा नीति कार्यान्वयन गर्न छलफल भइरहेको छ ।

सुरक्षा निकायको पुनः संरचना गर्ने व्यवस्था नीतिमा छ । पुनः संरचना गर्दा जनसंख्या भौगोलीक जटिलता र भूराजनीतिलाई ध्यान दिइनेछ । तत्कालीन राजा विरेन्द्रले नेपालमै अत्याधुनीक हतियार प्लान्ट स्थापना गर्ने प्रक्रिया अघि बढाएका थिए । यसका लागि उनले जर्मनीसँग सहकार्य अघि बढाएका थिए । उनले राजधानीको सुन्दरीजल क्षेत्रमा जग्गा छुट्याएका थिए । स्वदेशमै हतियार उत्पादन गरी अन्तराष्ट्रिय सेनालाई प्रशिक्षण दिने योजना वीरेन्द्रको थियो । योजना नसकिँदै उनको वंशनाश भयो । त्यसपछि यो काम अलपत्र छ । शुक्रबारको अन्नपूर्ण पोस्टमा चन्द्रशेखर अधिकारीले लेखेका छन् ।