हामी सबैकाे संसारन्यूज

२९ चैत, काठमाडौ । विश्वनाथ भैरवनाथको रथको गजुर भाँच्चिएको छ । तीनतले छाना छुट्टिएको छ । कतिपय टुँडाल काठ खसेको छ । बाँकी रहेका रथका अवयव पनि जीर्ण अवस्थामा झुन्डिएको छ ।

गुठी संस्थान कार्यालय भक्तपुरले करिब १ महिना लगाएर जीर्णोद्धार गरेको भैरवनाथको रथ एकै रातमा क्षतिग्रस्त बनेको हो । भक्तपुरको प्रसिद्ध बिसका बिस्केट जात्राको मुख्य आकर्षण भैरवनाथको रथ बिग्रिएर कुरुप बनेको छ । आठ रात नौ दिन मनाइने जात्रामा नभई नहुने भैरवनाथको रथ एकै दिनमा बिग्रिएर जीर्ण हो ।

जात्राको मुख्य दिन आउन बाँकी भएकै अवस्थामा रथ बिग्रिएपछि स्थानीय बासिन्दा आक्रोशित बनेका छन् । जात्राको महत्वपुर्ण दिन आउनै बाँकी छ, रथ बिग्रिएर जीर्ण बनिसक्यो, भक्तपुर गोलमढीका राकेश श्रेष्ठले भने, बिस्केटको रथ बिग्रनु जात्रामा जोखिम बढ्नु हो, यस्तो रथ तान्दा दुर्घटना हुन सक्छ । शुक्रबारको कान्तिपुर दैनिकबाट ।