४ बैशाख, काठमाडौं । महानगरीय प्रहरी वृत्त दरवारमार्गले ५० किलोग्राम गाँजा सहित २ जनालाई पक्राउ गरेको छ ।
प्रहरीले मंगलबार काठमाण्डौ महानगरपालिका २ लाजिम्पाटबाट कोटेश्वर वस्ने सिन्धुलीका देव कुमार घिसिङ र सिन्धुलीकै पदम बहादुर श्रेष्ठको साथबाट ५० किलोग्राम गाँजा बरामद गरेको हो ।
लाजिम्पाटस्थित सुवर्ण शम्शेर मार्गमा हिडिरहेको अबस्थामा प्रहरीलाई शंका लागि चेकजाँच गर्दा निजहरूले बोकेको झोलाबाट २५र २५ किलो गाँजा फेला पारेको हो । निजहरुलाई लागुऔषध सहित नियन्त्रणमा लिई थप अनुसन्धान भईरहेको छ ।
वि.सं.२०७६ वैशाख ४ बुधवार १२:५६ मा प्रकाशित
