हामी सबैकाे संसारन्यूज

पत्रकार महासंघ कतारले पछिल्लो पटक राज्यद्धारा पक्राउ  पक्राउ गरिएका पत्रकारको विनाशर्त रिहाइको माग गर्दै सरकारकारको ध्यानाकर्षण गराएको छ ।

नेपाली दूतावास कतारमार्फत् नेपाल सरकारका नाममा बुझाइएको ज्ञापनन पत्रमा भनिएको छ, ‘राज्यद्धारा विद्युतीय कारोबार ऐनको दफा ४७ र ४८ लाई टेकेर विगत केही समयदेखि समाचार लेखेकै भरमा देशैभरीबाट पत्रकार पक्राउ गर्ने कार्यलाई तिब्रता दिइएको प्रति हाम्रो गम्भीर ध्यानाकर्षण भएको छ ।’

नेपाल पत्रकार महासंघ कतारका अध्यक्ष करिम बक्स मियाँ, सचिव दिल कुमार श्रेष्ठ, सल्लाहकार क्रान्ती सिंह र पुर्व उपाध्यक्ष् चिरञ्जीवी तिमिल्सीनासहितको टोलीले बैशाख ५ गते दूतावासमै पुगेर राजदूत समक्ष उक्त ज्ञापनपत्र बुझाएका हुन् ।

महासंघले विद्युतीय कारोबार ऐनको दफा ४७ र ४८ अविलम्ब खारेज गर्न माग गर्नुका साथै पक्राउ परेका पत्रकारको विनाशर्त रिहाइको माग समेत गरेको छ ।

‘राज्यद्धार विद्युतीय कारोबार ऐनको दफा ४७ र ४८ लाई टेकेर विगत केही समयदेखि समाचार लेखेकै भरमा देशैभरीबाट पत्रकार पक्राउ गर्ने कार्यलाई तिब्रता दिइएको प्रति हाम्रो गम्भीर ध्यानाकर्षण भएको छ ।

समाचार लेखेकै भरमा विद्युतीय कारोबार ऐनको दफा ४७ र ४८ अन्तर्गत संचारकर्मीलाई पक्राउ गर्ने घटना बढेकोप्रति कडा विरोध गर्दै नेपाल पत्रकार महासंघले घोषणा गरेको आन्दोलनप्रति हाम्रो पूर्ण ऐक्यबद्धता रहेको समेत प्रष्ट्याउँछौं ।

अनावस्यक रुपमा संचारकर्मीहरुलाई पटक पटक पक्राउ गर्ने कार्यले निर्वाध प्रेस स्वतन्त्रता उपभोगमा अवरोध खडा गर्दै प्रेस स्वतन्त्रतालाई निस्तेज बनाउने कार्य, प्रेस स्वतन्त्रताको मूल्य र मान्यतामा प्रहार गर्ने कार्यमा राज्य लाग्नुले हामीलाई शसंकित तुल्याएको छ ।’ सो ज्ञापनपत्रमा भनिएको छ ।