हामी सबैकाे संसारन्यूज

बोल्दा बोल्दै अनायास
कहाँनिर जिब्रो चिप्लिएला तिम्रो
त्यसपछि वारेन्ट जारी गर्न पाइएला
तिम्रो अभियुक्त जिब्रोलाई
यस्तै यस्तै सोचेर कोही
बसिरहेको हुन सक्छ तिम्रो छेउमा
तिम्रो साथीतिम्रो संरक्षक
या शुभचिन्तकको भेषमा !

हिड्दा हिड्दै तिमी
कहाँनिर खाडलमा परौला
त्यसपछि नेल लगाएर तिम्रो अभियुक्त खुट्टालाई
हिरासतमा पठाउँला
यस्तै मात्र सोचेर
कोही हिडिरहेको हुन सक्छ
तिम्रो अघिपछि
तिम्रो पक्का सहयात्रीको भेषमा !

दुश्मन आफैंभित्र पनि हुन्छन
तिमीले यसरी पनि सोचेनौ भने
तिमीले वारम्वार झुक्किनु पर्छ
र वारम्वार गाउँनु पर्छ विरहका गीत !

तिम्रा भाषणहरूमा
जोड जोडले ताली पिटिरहेको मान्छे
या, तिम्रो जीवनको दौडमा
सँगै दौडिरहेको कुनै यात्री
त्यो, तिम्रो जस्तो हुन सक्छ
तर तिम्रो नहुन सक्छ !

पाइला पाइलामा ख्याल गर्नु
शब्द शब्दमा होस गर्नु
होसियार
धेरै टाढा बसेर दुश्मनी गर्न
त्यति सजिलो मान्दैनन दुश्मनहरू !

२०७६्र/०१्/र०६
सुवर्ण चोक, भक्तपुर