हामी सबैकाे संसारन्यूज

९ बैशाख, रुपन्देही । जातिय छुवाछुतलाई फौजदारी अपराध मानेर मुद्दा चलाइने कारबाही चलाइने कानुनी प्रावधान भएपनि कानुनको उल्लंघन गर्दै समाजमा जातिय छुवाछुतका घटना दोहोरिरहेका छन् ।

त्यसैको पछिल्लो उदाहरण नको रुपन्देही शुद्धोदन गाउँपालिका ४ पर्साटिकरकी २२ वर्षीया आरती विकको विवाह समारोहमा उपस्थिति कथित उपल्लो जातका भनिएकाहरुबाट प्रदर्शित व्यवहार ।

बैशाख ५ गते भएको विवाह समारोहमा सहभागी हुन आएका राजनीतिक दलका कार्यकर्ता तथा टोल विकास समितिका अगुवाहरु भोज नखाई फर्केका छन् । विवाहमा बेहुला बेहुलीलाई आर्शिवाद दिन आएका गैरदलित भनिने समुदायका छिमेकी भोजमा सहभागी नभएपछि विक परिवारद्धारा उनीहरुबाट प्राप्त दक्षिणा फिर्ता गरिएको थियो । राम बहादुर विककी छोरी आरतीको सुनवल असामबासी टोलका रमेश रसाइलीसँग विवाह भएको थियो ।

विवाहको निम्तो स्वीकारेर आएका २२ जना भोजमा सहभागी नभई दक्षिणा मात्रै बुझाएर फर्केकाले आफूहरुको अपमान भएको भन्दै आइतबार सुद्धोदन ४ का पडा अध्यक्ष राजेन्द्र कँडेललाई दक्षिणा वापतको रकम फिर्ता दिएका थिए । सोमबारको नागरिक दैनिकमा रुपन्देहीबाट विनोद परियारले लेखेका छन् ।