Sansar News
९ बैशाख, सुर्खेत । एकसाता अघि जुम्ला चन्दनाथ नगरपालिका ४ का श्याम भारती चार वर्षीया बालिकालाई बलात्कार गरेको आरोपमा पक्राउ परे । गाउँको एक विद्यालयभित्र पु¥याएर यौन दुव्र्यवहार गर्दै गरेको अवस्थामा छिमेकीले देखेपछि घटना बाहिर आयो ।
जुम्लाकै पातारासी गाउँपालिककी एक महिला कात्तिक १८ गते बलात्कृत भइन् । पीडित महिलाको बयानका आधारमा २४ वर्षे भैरे सार्की पक्राउ परे । सोहि दिन तीला गाउँपालिकाकी दुईजना महिला सामुहिक बलात्कारमा परे । जंगलबाट घाँस काटेर फर्कदै गरेका उनीहरुलाई चार जनाको समूहले बलात्कार गर्यो ।
रुकुम पश्चिमको त्रिवेणी गाउँपालकामा २ सिम्रुतकका २२ वर्षीय राजिव खड्कालाई प्रहरीले पक्राउ गर्यो । खड्का हाल पुर्पक्षका लागि थुनामा रहेका छन् । त्यस्तै बालिका बलात्कारको आरोपमा पुस १ गते रुकुम (पूर्व) को भुमे गाउँपालिका ९ चुनवाङका २१ वर्षीया मनोज वली पक्राउ परे । मंसिर २८ गते साथीको जन्ती गएका बेला ओलीले बालिका बलात्कार गरेको प्रहरीको भनाई छ ।
फाुगन २६ गते सुर्खेतको वीरेन्द्रनगरस्थित काक्रे बिहार जंगलमा १३ वर्षीया बालिका सामूहिक बलात्कारीको सिकार भइन् । विद्यालयबाट घर फर्कदै गरेकी ती बालिकालाई काक्रे विहारको जंगलमा पुर्याएर दुई युवकले बलात्कार गरे । बलात्कारका आरोपिमध्ये १९ वर्षीय प्रमेश रावत पक्राउ परेका छन् । अर्का फरार छन् ।
पछिल्लो नौ महिनाको अवधिमा कर्णाली प्रदेशमा बलात्कारका १ सय ४२ र बलात्कार प्रयासका ४१ घटना भएको प्रदेश प्रहरीले अभिलेख संकलन गरेको छ ।
सोमबारको नागरिक दैनिमा सुर्खेत÷जुम्ला÷रुकुम (पश्चिम) बाट नगेन्द्र उपाध्याय, डिबी बुढा र लोकेन्द्र खनालले लेखेका छन् ।
वि.सं.२०७६ वैशाख ९ सोमवार ०७:३८ मा प्रकाशित
