Sansar News
१० बैशाख, काठमाडौं । कतारस्थित डिजाइन कन्ट्रक्टिङ कम्पनीमा कार्यरत १ सय २० जना नेपाली तलब माग्दै त्यहाँको उच्च अदालत धाइरहेका छन् ।
कतारको श्रम विभाग, नेपाली दूतावास, कम्पनी र कामदारबीच श्रम विवाद नमिलेपछि कामदारहरु अदालत धाउन थालेका हुन् । उक्त कम्पनीले गत नोभेम्बरदेखि तलब नदिएको हो ।
‘हामी श्रम अदालत र दूतावासमा पनि गयौं । दुवै ठाउँबाट हाम्रो समस्या समाधान हुन सकेन,’ पीडित दिल श्रेष्ठले भने, ‘कम्पनीले तलब र उपदान दिएकै छैन् ।’ कम्पनीले गत नोभेम्बरदेखि तलब नदिएको हो ।
तलब नपाएपछि उनीहरु गत फेब्रअरी देखि काम गर्न छाडेका छन् । कतार सरकारले कामदारको तलब सुनिश्चित गर्न बैंकबाट तलब दिनुपर्ने व्यवस्था गरेको थियो । नयाँ कम्पनी मालिकले तलब दिन नसकेपछि समस्या सुरु भएको पीडितहरुले बताएका छन् । मंगलबारको कान्तिपुर दैनिकमा होम कार्कीले लेखेका छन् ।
वि.सं.२०७६ वैशाख १० मंगलवार ०८:०८ मा प्रकाशित
