Sansar News
११ बैशाख, काठमाडौं । नेकपाका ७७ जिल्ला अध्यक्ष र सचिव बनाइएका १५४ नेतामध्ये ५३ जनाले दोहोरो जिम्मेवारी पाएका छन् ।
केही नेताले भने तेहरो जिम्मेवारी समेत पाएका छन् । प्रतिनिधिसभाका ११, राष्ट्रिय सभाका १, प्रदेशसभाका २४ र स्थानीयतहका जनप्रतिनिधि ७ गरी ४३ जना नेताले जिल्ला अध्यक्ष र सचिवको जिम्मेवारी पाएका छन् । यस्तै विभिन्न तहका थप जनप्रतिनिधि केन्द्र र जिल्लाका भूमिकामा छन् ।
नेकपाले पार्टी केन्द्रीय समितिकै १६ नेतालाई जिल्ला कमिटीको अध्यक्ष र सचिवको जिम्मा दिएका छन् । सात केन्द्रीय सदस्य जिल्ला कमिटी अध्यक्ष भएका छन् भने ९ जना सचिव भएका छन् ।
नेताहरुलाई दोहोरो जिम्मेवारी दिएपछि नेकपाभित्र असन्तुष्टि बढेको छ । यस्तै कतिपयले पदीय जिम्मेवारी त्यागेका छन् । बुधबारको अन्नपूर्णपोष्ट दैनिकमा रामकृष्ण अधिकारीले लेखेका छन् ।
वि.सं.२०७६ वैशाख ११ बुधवार ०८:०९ मा प्रकाशित
