Logo
१० कार्तिक २०७८, बुधबार
     Wed Oct 27 2021
E-paper
  English Edition
   Unicode
Logo

संविधान संशोधनमा सहयोग गर्न प्रमको ओलीलाई आग्रह 



prachanda-olid-bhet

२५ कात्तिक, काठमाडौँ  । प्रधानमन्त्री पुष्पकमल दाहालले प्रमुख प्रतिपक्षी दल नेकपा(एमाले)का अध्यक्ष केपी शर्मा ओलीलाई संविधान संशोधनको प्रक्रियामा सहयोग गर्न आग्रह गर्नुभएको छ ।
सिंहदरबारस्थित सभामुख ओनसरी घर्तीको सचिवालयमा आज साँझ भएको भेटवार्तामा प्रधानमन्त्री एवं नेकपा(माओवादी केन्द्र)का अध्यक्ष दाहालले प्रमुख तीन दलका शीर्ष नेताको शीर्ष बैठक बसेर कुन कुन विषयमा संविधान संशोधन गर्ने भन्नेमा सहमति खोजिने भएकाले त्यसमा सहयोग गर्न पूर्वप्रधानमन्त्री समेत रहनुभएका ओलीलाई आग्रह गर्नुभएको प्रधानमन्त्रीका प्रेस सल्लाहकार गोविन्द आचार्यले जानकारी दिनुभयो ।

सल्लाहकार आचार्यले भन्नुभयो, “प्रधानमन्त्रीले प्रमुख तीन दलको सहमतिमा यही कात्तिक मसान्तभित्र संविधान संशोधन प्रस्ताव दर्र्ता गर्ने विषयमा पूर्वप्रधानमन्त्री ओलीसँग छलफल गर्नुभएको हो । आजको छलफल सकारात्मक छ ।”

बैठकपछि एमाले अध्यक्ष ओलीले प्रधानमन्त्री दाहालसँग किन, कुन विषयमा र कसरी संविधान संशोधन गर्ने भन्ने जिज्ञासा राखेको जानकारी दिनुभयो । उहाँले मुलुकको पछिल्लो राजनीतिक अवस्था र समसामयिक विषयमा प्रधानमन्त्रीसँग छलफल भएको र छलफल निरन्तर जारी राख्ने सहमति भएको बताउनुभयो ।

संविधान निर्माण प्रक्रियाबाटै असन्तुष्टि व्यक्त गर्दै आएका मधेसकेन्द्रित दलले आफूहरुको माग सम्बोधन गर्न संविधान संशोधनको प्रक्रिया तत्काल अगाडि बढाउन सरकारसँग आग्रह गर्दै आएका छन् । मोर्चाको माग बमोजिम संविधानका केही विषयमा संविधान संशोधन गर्ने तयारी गरिएको छ ।

प्रम दाहाल र सभापति देउवाबीच भेट

प्रधानमन्त्री दाहाल र नेपाली काँग्रेसका सभापति शेरबहादुर देउवाबीच पनि आज भेटवार्ता भएको छ । भेटवार्तामा मुलुकको पछिल्लो राजनीतिक अवस्था, संविधान संशोधन लगायत विषयमा कुराकानी भएको थियो ।

छलफलमा सरकारको कामकारबाहीलाई प्रभावकारी बनाउने लगायत विषयमा समेत कुराकानी भएको प्रधानमन्त्रीका स्वकीय उपसचिव मनोहरि तिमिल्सिनाले जानकारी दिनुभयो । रासस


यो खबर पढेर तपाईलाई कस्तो महसुस भयो ?

काठमाडौं । गैरआवासीय नेपाली संघको फाउण्डेशन विधिवत रुपमा दर्ता भएको छ । गैरआवासीय नेपाली

बलिउड नायिका कटरिना कैफले आफ्ना प्रेमी नायक विक्किी कौसलसँग लगन गाँठो कस्ने भएकी छन्

काठमाडौं । प्रदेशसभाको बैठकबाटै राजीनामाको घोषणा गरेकी बागमतीकी मुख्यमन्त्री अष्टलक्ष्मी शाक्यले प्रदेश प्रमुखलाई राजीनामा

काठमाडौं । एकसातादेखि निरन्तर बढिरहेको सुनको मूल्य आज एकैदिन ६०० रुपैयाँले घटेक छ ।

काठमाडौं । यातायात व्यवस्था विभागले मंगलबारदेखि सवारी चालक अनुमति पत्र (लाइसेन्स)को नयाँ आवेदन खुलाएको