हामी सबैकाे संसारन्यूज

१४ बैशाख, काठमाडौं । नेपाली नागरिकलाई अमेरिकाको सपना देखाएर मानब तस्करी र ठगी गरेको आरोपमा फरार रहेका सुदर्शन गौतमविरुद्ध अन्तराष्ट्रिय प्रहरी संगठन (इन्टरपोल) ले रेड नोटिस जारी गरेको छ । नेपाल प्रहरीको पटक पटकको आग्रहपछि इन्टरपोलले विहिबार नोटिस जारी गरेको हो ।

आठ महिनादेखि नेपाल प्रहरीको फरार सूचीमा रहेका गौतम अब जनुसुकै देशमा पनि पक्राउ पर्न सक्छन् । हाल उनी क्यानडामा बस्दै आएका छन् । उनी क्यानेडियन नागरिक भइसकेकाले नेपाल ल्याउन भने कठिन छ ।

दुई वर्ष अघि सुदर्शनको समूहले तीन युवतीलाई कलाकार बनएर हाइटी पुर्याएको थियो । दिल्लीबाट रसिया, स्पेन बोगोटा, डामेनिकन रिपब्लिक हुँदै हाइटी लगिएको थियो । हाइटीमा एक कम्पनी खडा गरी सुटिङका लागि भनेर उनीहरुलाई सहज रुपमा त्यहाँ पु¥याइएको थियो । हाइटीबाट उनीहरुले सामान्य किसीमको पानी जहाजमा अमेरिका पुर्याउथे । उनीहरुलाई पनि सोहि पानी जहाजमा राखियो ।

उक्त पानी जहाजमा उनीहरुसहित १५ जना थिए । सबैजना सोहि समूहमार्फत् अमेरिका जानेमा थिए ।  तर, समुद्रको बीचमा पानीजहाज बिग्रीयो । उनीहरुले लिएर गएको खानेकुरा र पानी सकियो । तिर्खा खप्न नसकेपछि भक्तपुरकी सुमित्रा कुँवरले समदु्रको पानी पिइन् । सोही कारण पानी जहाजमै उनको मृत्यु भयो । पानी जहाज समुद्री बहाव सँग बग्दै बहमास पुग्यो । सो देशका सुरक्षाकर्मीले पानी जहाज नियन्त्रणमा लिए । त्यहाँबाट १ महिनापछि फर्किएका अन्य दुई युवती उजुरीका अधारमा महानगरीय अपराध महाशाखाले अनुसन्धान गरेको थियो ।

शनिबारको नयाँपत्रिका दैनिकमा नवराज मैनालीले लेखेका छन् लेखेका छन् ।