फाइल:फोटो
१४ बैशाख, काठमाडौं । क्यानडाको पर्मानेन्ट रेसिडेन्ट कार्ड (पीआर) भएको बताउने तर भिसा विना अवैध रुपमा बैंककमा बस्ने ।
क्यानडाको पाँचतारे होटलको फर्जी कागजात तयार पारेर डिमर्पाटमेन्टको म्यानेजर बताउने अनि दर्जनौं नाम फेर्र्दै परिचय बदलेर हिँड्ने । क्यानडा, अमेरिका, अष्ट्रेलिया, मकाउमा मासिक लाखौ. रुपैयाँको जागिर मिलाईदिने भन्दै फेसबुकबाट फसाउने अनि बैंकक बोलाउने । त्यसरी आउनेसँग लाखौं असुलेर थाइ श्रीमतीको खातामा राख्ने ।
आठवर्षयता थाइल्याण्डमा बसेर मानब तस्करीको जालो थाप्दै सयौंसँग कराडौ रुपैयाँ ठगी गरेको आरोप लागेका पर्शुराम गुरुङ अन्ततः थाई प्रहरीबाट पक्राउ परेका छन् ।
गुरुङविरुद्ध नेपाल प्रहरीको केन्द्रीय अनुसन्धान व्यरो (सिआइबी)मा ३४ पीडितले निवेदन दर्ता गराएका छन् । ठगीमा परेर लाखौं रुपैया गुमाएका दुई दर्जन भन्दा धेरै पीडित सम्पर्कमा आएका छन् ।
एकपछि अर्को उजुरी परेपछि सिआइबीले २०७२ साल २९ गते गुरुङविरुद्ध इन्टरपोलमा डिफ्युजन नोटिस जारी गराएको थियो । उनीमाथि ठगी र मानव तस्करीको दुवै आरोप छ । शनिबारको कान्तिपुर दैनिकमा जनकराज सापकोटाले लेखेका छन् ।
वि.सं.२०७६ वैशाख १४ शनिवार ०८:१५ मा प्रकाशित
